ЦХИНВАЛ, 16 фев — Sputnik. Хуссар Ирыстоны Паддзахадон æдасдзинады комитеты кусджытæ не ‘руагътой тобæгонд медицинон препарат "Лирикæйы" егъау партийы контрабандæ, фехъусын кодтой уагдоны пресс-службæйы.
"Наркотикон æмæ психотропон буарадтæ æнæзакъонон æрзылдæй байсыны фæдыл оперативон-фæдагурæн мадзæлттæ уадзыны рæстæджы Паддзахадон æдасдзинады комитеты æмæ мидхъуыддæгты министрады кусджытæ ссардтой тобæгонд медицинон препарат "Лирикæйы" егъау парти", — загъта пресс-службæйы минæвар.
Тобæгонд буарады парти ист æрцыд Хуссар Ирыстоны æмбæстагæй уадзæн пункт "Уæллаг Рук"-ы.
Æдæппæт æм разынд 129 "Лирикæ"-йы капсулæйы, 40 мин сомы аргъ. Равзæрсты рæстæджы фыдгæнæг лæвæрд æрцыд административон бæрндзинадмæ. Дзауы тæрхондон республикæйы æмбæстагæн аскъуыддзаг кодта административон æфхæрд. Афтæ ма бафиддзæн ивар 20 мин сомы бæрц.
