Цал парти ма баззайдзæн юстицийы министрады басгæрсты фæстæ?

© Sputnik / Ада багианРХИ хицауады агъуыст
РХИ хицауады агъуыст - Sputnik Хуссар Ирыстон
Рафыссын
Хуссар Ирыстоны партитæ цæттæ кæнынц хыгъдлæвæрд бадæттын юстицийы министрадмæ. Партиты лидерты ныхæстæм гæсгæ, ног барастгæнинæгтыл иу партийæ дарддæр фæтых сты иннæтæ иууылдæр.

ЦХИНВАЛ, 17 фев — Sputnik, Хъотайты Мария. Хуссар Ирыстоны политикон партиты разамонджытæ уæрæхдæр кæнынц сæ партион номхыгъдтæ. Ног барастгæнинæгтæм гæсгæ партитæ хъуамæ æрæмбырд кæной æнæмæнгхъæуæг 500 уæнджы. Азы мидæг бакæнгæ куысты тыххæй хыгъдлæвæрд партиты лидертæ ныр хъуамæ ӕвдисой юстицийы министрадмæ æрвылаз дæр 31 январы онг.

РХИ парламенты агъуыст - Sputnik Хуссар Ирыстон
Хуссар Ирыстоны парламент иуварс кӕны иубонон партиты

Ивгъуыд сæрды парти "Адæмы иудзинад"-ы хъæппæрисæй парламент райста барастгæнинæгтæ политикон партиты фæдыл закъонмæ, кæцытæм гæсгæ партиты сконды ныридæгæн хъуамæ уа 300 уæнджы бæсты 500.

Парти "Адæмы иудзинад"-ы лидер Чилæхсаты Владимиры хъуыдымæ гæсгæ, кæцыдæр политикон партитæ арæзт æрцæуынц æвзæрстагъоммæ кампанийы рæстæгмæ æмæ ницы пайда хæссынц æхсæнадæн. Йæ нымадмæ гæсгæ, чысылнымæц республикæйæн 14 парти у тынг бирæ. Уый фидарæй хъуыды кæны, кæд парти у хæдхъом æмæ йын ис политикон тых, уæд ын зын нæ уыдзæн 500 уæнджы æрбамбырд кæнын.

Хуссарирыстойнаг эксперт, центр "Интеллектуалон ресурсты" къухдариуæггæнæг Дзугаты Къостайы нымадмæ гæсгæ, закъонмæ барастгæнинæгтæ сты афойнадон.

"Закъонмæ барастгæнинæгтæ хъуыздæр кæнынц закъон, уаг дæттынц политикон архайдæн партион къабазы. Уый у тынг ахсджиаг, уымæн æмæ æвзæрстагъоммæ "политикон аз" æмæ электораты тыххæй тох уыдзæн серьезон", — нымайы Дзугаты Къоста.

Политолог нымайы, партиты нымæц кæй фæкъаддæр уыдзæн æмæ уый та æвæрццагæй бандавдзæн республикæйы мидæггагполитикон процессы гъæдыл.

"Æнæпарламентон партитæ дзурынц, сæ партиты уæнгты нымæц кæй ахызт 500-йæ. Техникон æгъдауæй зын нæу номхыгъдтæ басгарын æмæ рафæлгъауын закъон фехалыны цаутæ, уый нымæцы иу адæймаджы уæвынад цалдæр партийы номхыгъды. Уыцы рæстæджы ахсджиаг у юстицийы министрады хæс", — загъта Дзугаты Къоста.

Парти "Достоинство и справедливость"-ы разамонæг Битеты Феликсы ныхæстæм гæсгæ, йæ партийы сконды ныридæгæн ис 800 уæнджы. Фæйнæ 500 уæнгæй фылдæр ис партитæ "Фыдыбæстæ", "Фидæн" æмæ "Ног Ирыстон"-ы.

"Закъонмæ цалынмæ барастгæнинæгтæ нæ бахастой, уæдмæ дæр нæ партийы сконды уыд 500 адæймагæй фылдæр", — загъта парти "Ног Ирыстон"-ы разамонæг Санахъоты Давид.

Парламентон партитæ "Ныхас" æмæ Адæмон парти дæр, сæ лидерты ныхæстæм гæсгæ, æрбамбырд кодтой 500 уæнгæй фылдæр.

Æхсæнадон змæлд Иры Сомбон рацараздзысты политикон партимæ - Sputnik Хуссар Ирыстон
Æхсæнадон змæлд "Иры Сомбон" рацараздзысты политикон партимæ

Sputnik парти "Ныхас"-ы куыд фехъусын кодтой. Афтæмæй сæ партимæ бацыдысты республикæйы 900 æмбæстаджы. Ацы нымæцмæ æввахс ма сты парти "Адæмы иудзинад"-ы уæнгтæ дæр. Партион тыгъдады лидер у "Иугонд Ирыстон" — йе сконды ис 5000 æмбæстагæй фылдæр.

Минималон у Сиукъаты Радионы парти "Ирыстон — Сæрибардзинады фæзуат"-ы уæнгты нымæц — 320 адæймаджы. Фæлæ йæ разамонæг фидарæй загъта, кæй цæудзæн куыст йæ уæнгты нымæц фæфылдæр кæныны фæдыл.

Закъондæттынад, закъондзинад æмæ бынæттон хæдразамынады фæдыл парламентон комитеты сæргълæууæг Коцты Олеся нымайы, ранæуæггонд закъоны домæнтæ кæй не сфæраздзысты лæмæгъ партитæ, кæцытæн ницы серьезон архайд ис.

Юстицийы министрад хыгъдлæвæрды формæйыл бакуыст хъуамæ балхынцъ кæна ацы мæй.

Ног хабӕртты лентӕ
0