Тыбылты Леонид æрсиддзæн Хуссар Ирыстоны адæммæ ныстуанимæ

© Sputnik / Роин БибиловРХИ президент Тыбылты Леонид
РХИ президент Тыбылты Леонид - Sputnik Хуссар Ирыстон
Рафыссын
Йæ ныстуаны Хуссар Ирыстоны адæм æмæ парламентмæ Тыбылты Леонид æрдзурдзæн республикæйы райрæзты стратегион здæхты фæдыл йæ æнхъарæнтыл.

ЦХИНВАЛ, 17 янв, — Sputnik. Хуссар Ирыстоны сæргълæууæг Тыбылты Леонид адæм æмæ парламентмæ йæ ныстуаны радзурдзæн республикæйы мидæггагон æмæ æддагон политикæйы размæцыды тыххæй, фехъусын кодта Sputnik президенты пресс-секретарь Гана Яновская.

"Республикæйы конституцийы 50-æм статьямæ гæсгæ, президент æрсиддзæн ныстуанимæ адæм æмæ парламентмæ. Уый æрдзурдзæн бæстæйы экономикон райрæзты перспективæтыл, уый нымæцы идеологион нысаниуæгимæ фарстатыл. Йæ раныхасы паддзахады сæргълæууæг æрдзурдзæн республикæйы мидæггагон æмæ æддагон политикæйы размæцыды тыххæй", — загъта пресс-секретарь.

Уый ма бафтыдта, президенты ныстуан кæй у программон политикон-барадон документ, цыран æвдыст сты нæ бæстæйы размæцыды стратегион здæхтытæ æввахс перспективæмæ.

"Леонид Харитоны фырт æрдзурдзæн конкретон æнхъарæнтыл ӕмӕ сæ аскъуыддзаг кæныны фæдыл", — загъта Яновская.

Президент æрсиддзæн ныстуанимæ майрæмбоны, парламенты бæстыхайы. Уыцы бон ма депутатон корпусæй дарддæр президентимæ фембæлдмæ æрбацæудзысты хицауады уæнгтæ, районты æмæ горæтты цæрджытæ, зонадон интеллигенцийы, дзыллæйады минæвæрттимæ, массон информацийы фæрæзты къухдариуæггæнджытимæ.

Паддзахады сæргълæууæджы раныхас трансляци цæудзæн 12 сахатыл паддзахадон телеуынынады комкоммæ эфиры.

Ног хабӕртты лентӕ
0