ЦХИНВАЛ, 24 фев — Sputnik. Уӕрӕсейы федералон ӕдасдзинады службӕйы цӕгатирыстойнаг управлени раргом кодта дзӕуджыхъӕуккаг 25 аздзыд лӕппуйы бастдзинӕдтӕ Уӕрӕсейы тобӕгонд террористон организаци "Пысылмон паддзахад"-имӕ, хъусын кӕны 15 регион.
Сӕ бӕрӕггӕнӕнтӕм гӕсгӕ, ныридӕгӕн уый хайад исы хӕстон архайдтыты.
"Уӕрӕсейы федералон ӕдасдзинады службӕйы цӕгатирыстойнаг управленийы кусджытӕ сбӕлвырд кодтой Дзӕуджыхъӕуы цӕрӕджы, кӕцы хайад иста террористон фыдракӕндты Сирийы. Барадхъахъхъӕнӕг органты бӕрӕггӕнӕнтӕм гӕсгӕ, уый 2013 азы ацыд Туркыл Сиримӕ. Экстремистон архайдтыты лагеры ахуыры фӕстӕ бацыд "Пысылмон паддзахад"-ы рӕнхъытӕм", — дзырдӕуы хъусинаджы.
25 аздзыд лӕппуйы ‘рдыгӕй ӕруадзгӕ фыдракӕндты фӕдыл конд ӕрцыд дыууӕ уголовон хъуыддаджы.
