ЦХИНВАЛ, 29 фев — Sputnik. Цхинвайлаг богал Джиголаты Сӕрмӕт уӕззау атлетикӕйӕ Цӕгат Ирыстоны чемпионаты бацахста фыццаг бынат, фехъусын кодта спортсмены тренер, РХИ спорты сгуыхт кусӕг Тасойты Олег.
Цӕгат Ирыстоны чемпионаты Хуссар Ирыстонӕй архайдта цыппар спортсмены: Джиголаты Сӕрмӕт, Ӕрсойты Инал, Дыгъуызты Ален ӕмӕ Къудухты Азӕмӕт.
"Джиголаты Сӕрмӕт архайдта 77 килограммы уӕзы категорийы ӕмӕ йын нӕ разынд аккаг ныхмӕлӕууӕг. Ныр нӕ спортсменӕн фадат ис Уӕрӕсейы чемпионаты архайынӕн. Дыгъуызты Ален та ерысты ссис дыккаг", — радзырдта тренер.
Ерыстӕ цыдысты 28 февралы Дзӕуджыхъӕуы, спорты галуан "Манеж"-ы.
Джиголаты Сӕрмӕт январы та рамбылдта Мӕскуыйы ӕмӕ Мӕскуыйы областы чемпионат, у Цӕгат Ирыстоны чемпион.
