ЦХИНВАЛ, 2 мар — Sputnik. Хуссарирыстойнаг спортсментӕ Гасситы Сослан ӕмӕ Хӕбӕлаты Арсен рамбылдтой сыгъзӕрин майдантӕ Уӕрӕсейы фыццагады армспортӕй, фехъусын кодтой Sputnik фӕсивӕдон политикӕ, спорт ӕмӕ туризмы комитеты пресс-службӕйы.
"Гасситы Сослан ацы аз фыццаг хатт архайдта фӕсивӕды ‘хсӕн ӕмӕ ссис уӕлахиздзау. Хӕбӕлаты Арсен та фыццаг бынат райста ӕрыгӕтты ‘хсӕн. Арсенӕн йе ‘фсымӕр Эдуард та ерысты ссис бронзӕйон призер", — радзырдтой пресс-службӕйы.
Уӕрӕсейы фыццагад армспортӕй цыд Мӕскуыйы областы февралы кӕрӕтты.
