ЦХИНВАЛ, 2 мар — Sputnik. Уæрæсейы президент бафыста Хуссар Ирыстон æмæ Уæрæсейы æхсæн бадзырды ратификацийы фæдыл закъон, æмбæлон документ мыхуыр æрцыд æртыццæджы барадон информацийы официалон порталыл.
"Азымгонд адæмы раттыны фæдыл Уӕрӕсе æмæ Хуссар Ирыстоны æхсæн бадзырд æрцæуæд ратификаци", — дзырдæуы документы.
Азымгонд адæмы раттыны тыххæй бадзырд бафыст æрцыд Мæскуыйы 14 декабры уæрæсейаг-хуссарирыстойнаг æмгуыстады æхсæнадæмон-барадон базæйы райрæзты нысанæн. Документ Паддзахадон Думæ райста 19 февралы, 26 февралы йæ Федерацийы Совет банымадта хорзыл.
