ЦХИНВАЛ, 5 мар — Sputnik. Авд ирон богалы тох кӕндзысты дунейы чемпионаты спортивон хъӕбысхӕстӕй, кӕцы уагъд цӕудзӕн Латвийы, хъусын кӕны ossetia.ru
Ирон спортсментӕ чемпионаты хъахъхъӕндзысты цыппар бӕстӕйы спортивон кад —Уӕрӕсе, Азербайджан, Украинӕ ӕмӕ Белоруссийы.
"Уӕрӕсейы ӕмбырдгонды сконды архайынц Байцаты Владислав, Мӕхъиты Зауыр ӕмӕ Сидахъты Зауыр. Украинӕйы спортивон кад хъахъхъӕндзысты Зассеты Ален ӕмӕ Æлдаттаты Ибрагим. Гоститы Александр та ис Азербайджаны ӕмбырдгонды скоды ӕмӕ Колыты Георгий та хъахъхъӕндзӕн Белоруссийы тырыса", — дзырдӕуы хъусинаджы.
Спортивон хъӕбысхӕстӕй дунейы чемпионат цӕудзӕн Латвийы 8-13 мартмӕ.
