ЦХИНВАЛ, 9 мар — Sputnik. Гуырдзыстонæй æрбаласгæ пъамидорты егъау парти ӕрцахстой контролон-уадзæн пункт "Уæллаг Ларс"-ы РЦИ-А Федералон æдасдзинады службæй арӕнгӕрон управленийы кусджытӕ, хъусын кӕны уагдоны пресс-службӕ.
"Паддзахадон арæныл рахизыны рæстæджы æрурæдтой æмбæстæджы, кæцы фæлвæрдта машинæйы сусæгран 432 кг пъамидор раласын. Басгæрсты рæстæджы фæткхалæг бафæлвæрдта барадхъахъхъæнæн органтæй хи бааууон кæнын, фæлæ ахст æрцыд", — радзырдтой пресс-службӕйы.
Уаргъ байст æрцыд. Цæгат Ирыстоны таможнæйы кусджытæ фæткхалæджы ныхмæ бакодтой административон хъуыддаг "Уаргъæн деклараци ма райсыны тыххæй" æмæ йыл сæвæрдтой административон бæрн "Æфсæддон службæгæнæджы домæнæн ма сдзуапп кæныны тыххæй" æмæ "Уæрæсейы Федерацийы паддзахадон арæныл уадзæн пункты режим фехалыны тыххæй".
