ЦХИНВАЛ, 11 мар — Sputnik. Хуссар Ирыстоны паддзахадон арæны режим фехалыны тыххæй 8 æмæ 9 марты цы дыууæ гуырдзыстойнаг æмбæстаджы æрцахстой, уыдоны ивар бафидыны фæстæ феддæдуар кæндзысты Гуырдзыстонмæ, фехъусын кодтой ПÆК-ы пресс-службæйы.
"Хуссар Ирыстоны Цхинвалы районы Хелцуа æмæ Громы хъæуты фадгуыты арæнхъахъхъæнджытæ æрцахстой дыууæ гуырдзыстойнаг æмбæстаджы — Гуры районы Зардианткари æмæ Кирбалийы хъæуты цæрджытæ", — фехъусын кодта пресс-службæйы минæвар.
Тæрхондоны скъуыддзагмæ гæсгæ, æрцахстуæвджытæ æфхæрд æрцæудзысты административон æгъдауæй — бафиддзысты ивар. Йæ бафидыны фæстæ уыдон феддæдуар кæндзысты Гуырдзыстонмæ.
