Цхинвайлаг каратисттӕ ӕрхастой ӕртӕ майданы "Хæрдмæдзог ныфсы кубок"-ӕй

© Созаты Владимиры хисӕрмагонд архивӕй къамТренер Созаты Владимир йӕ хъомылгӕнинӕгтимӕ
Тренер Созаты Владимир йӕ хъомылгӕнинӕгтимӕ - Sputnik Хуссар Ирыстон
Рафыссын
Дыууӕ чысыл чызджы - Дудайты Донна ӕмӕ Гаглойты Диана равдыстой фидар спортивон цӕттӕдзинад, уӕлахизмӕ тырнынад ӕмӕ бацахстой фыццаг ӕмӕ дыккаг бынӕттӕ. Ноджы ма иу сыгъзӕрин майдан Цхинвалмӕ ӕрхаста Семен Ливерко.

ЦХИНВАЛ, 15 мар — Sputnik. Хуссарирыстойнаг ӕрыгон каратисттӕ рамбылдтой ӕртӕ майданы киокусин-кан каратейы турнир "Кубок восходящей надежды"-йы, фехъусын кодта федерацийы сӕйраг тренер Созаты Владимир.

Турнир "Кубок восходящей надежды" уагъд цыд Ставрополы. Ирон каратисттӕ тох кодтой 10-11 аздзыд спортсменты къорды.

"35 килограммы уӕзы категорийы аккаг ныхмӕлӕууӕг нӕ разынд Дудайты Доннайӕн ӕмӕ ссис уӕлахиздзау. 30 килограммы уӕзы та лӕппуты ‘хсӕн уӕлахиз бафтыд Семен Ливеркойы къухы. Гаглойты Диана фембылд ӕрмӕстдӕр иу хатт ӕмӕ уый хыгъд бацахста дыккаг бынат", — загъта спортсменты тренер.

Уый ма банысан кодта, мӕйы кӕрон йӕ хъомылгӕнинӕгтӕй ӕст кӕй фӕнд кӕныц хайад райсын Цӕгат Кавказы федералон зылды ерысты киокусин-кан каратейӕ.

Ног хабӕртты лентӕ
0