ЦХИНВАЛ, 15 мар — Sputnik. Украинæйы Уæлдæр Радæйы депутатты къорд дыццæджы парламенты срегистраци кодта Уæрæсейы Федерациимæ дипломатон ахастытæ æруромыны тыххæй уынаффæйы проект.
Уынаффæйы текст нырма нæ сæвæрдтой хицауады сайтыл.
Парламентон фракци "Радикалон парти"-йы депутаттæ 2015 азы сидтысты, цæмæй рæстæгмæ урæд æрцæуой УФ-имæ дипломатон ахастытæ. Украинæйы фæсарæйнаг хъуыддæгты министр Павел Климкин разы нæу ацы инициативæимæ. Уый загъта, зæгъгæ УФ-имæ дипломатон ахастыты ӕрурӕд фехалдзæн бадзырдон формат æмæ у тæссаг минскаг бадзырдтæ æххæст кæнынæн.
