ЦХИНВАЛ, 16 мар — Sputnik. Хуссар Ирыстоны уӕвӕг Уӕрӕсейы ӕфсӕддон базӕ хайад исы артиллеристты ахуырты, кӕцытӕ райдыдтой Цӕгат Кавказы, Хъырымы, стӕй ма Сомих, Абхаз ӕмӕ Хуссар Ирыстоны ӕфсӕддон базӕты, фехъусын кодта ӕртыццӕджы Хуссар федералон зылды пресс-службӕ.
"Ӕмткӕй дзы архайы 2 мин техникӕйы: æмæхсты реактивон системӕ "Град" ӕмӕ"Ураган", хæддзæугæ гаубицӕтӕ "Мста-С" ӕмӕ "Акация" ӕмӕ ӕндӕр хӕцӕнгӕрзтӕ", — дзырдӕуы хъусинаджы.
Артиллеристтӕн ахуырты рӕстӕджы хъуамӕ скуынӕг кӕной условон ныхмӕлӕууӕджы, кӕцытӕ сӕ сты 2-15 километры дӕрддзӕфӕн. Афтӕ ма ӕфсӕддонтӕ бакусдзысты тохы ныхмӕ маневртыл дӕр.
