ЦХИНВАЛ, 16 мар — Sputnik. Фехтованийы гран-прийы серийы дыккаг этапы хатдзӕгтӕм гӕсгӕ Санаты Аида хайад исдзӕн 2016 азы олимпиаг хъӕзтыты, хъусын кӕны Цӕгат Ирыстоны спорты министрады пресс-службӕ.
"Гаванӕйы цӕуӕг турнир уыд Рио-де-Жанейройы олимпиаг хъӕзтытӕм ӕвзарӕнты фӕстаг этап. Санаты Аида турниры размӕ йӕ ныхмӕлӕууӕгӕй уыд 21 очкойы раздӕр, уый фӕрцы йын бантыст ахизын олимпиадӕмӕ", — дзырдӕуы хъусинаджы.
Санаты Аида у 2008 азы Олимпиаг хъӕзтыты уӕлахиздзау, Европӕ ӕмӕ дунейы уӕлахиздзау, бирӕнымӕц ерысты призер.
