Æввахс рæстæджы куыстуат хъавы йæ ассортимент фæуæрæхдæр кæнынмӕ. Уарзон "Бæгъиатæ" æмæ "Дзау"-æй дарддæр ам райдайдзысты кулертæн суадоны дон æвгты уадзын, уаддзысты ма йæ æрдæг- æмæ фондзлитрон æвгты.
2015 азы куыстуат райдыдта минералон дон Уӕрӕсемæ экспортмæ æрвитын. Ныртæккæ уый уæрæсейаг базарадмæ æрвиты йæ продукцийы азон гуырахсты 32%.
Заводы директор Тедеты Роланд куыд загъта, афтӕмӕй сӕ фæнды йæ заводы кондадон гуырахст фæфылдæр кæнын — ноджы ма иу хахх балхæнын. Уымæн бахъæудзæн бирæ хæрдзтæ, фæлæ фæахъаз уыдзæн кондадон процесс фæхуыздæр кæнынæн.
