ЦХИНВАЛ, 21 мар — Sputnik. Транскавказы автомагистралы иууыл тæссагдæр фадыгыл ацы аз сентябрмæ арæзт æрцæудзæн зæйты ныхмæ комплекс, хъусын кæны компани "Дорстройсервис"-ы пресс-службæ, кæцы æххæст кæны куыстытæ ацы объектыл.
Транскам у иунæг фæндаг, кæцы иу кæны Хуссар Ирыстон Уæрæсеимæ. Трассæйы фылдæр хай цæуы уæлхохыл, ам арæх æрцæуынц миты æмæ цъыфы зæйтæ, æркæлынц дуртæ.
"Транскамы 91-æм километр у фæндаджы иууыл тæссагдæр фадыг, арæх дзы æрцæуынц цъыфы æмæ миты зæйтæ. Компани "Дорстройсервис"-ы раз паддзахадон æмвæзадыл æвæрд ис нысан ацы фадыг саразын бынтон æдас", — хъусын кæны компанийы пресс-службæ.
Ам ма банысан кодтой, вазыгджын хъахъхъæнæн агъуысты иумæйаг дæргъæн кӕй у 700 метры, цæй фæрцы ацы фадыгыл æхгæд æрцæудзысты 10 зæйæрцӕуӕн бынаты.
"Арæзтадон куыстытыл æндавы боныгъæд дæр, фæлæ, уымæ æнæкæсгæйæ, куыстытæ цæуынц графикмæ гæсгæ. Объект эксплуатацимæ лæвæрд æрцæудзæн 2016 азы сентябры", — ныфс бавæрдтой арæзтадон компанийы.
Объектыл кусынц 350 адæймаджы ӕмӕ техникæйы 50 иуæджы. Куыст цæуы дыууæ сменæйæ, æхсæвæй-бонæй.
