Хуссар Иры Нацбанк 1,5% фæкъаддæр кодта кредитты процентон ставкæтæ

© Sputnik / Ада БагианХуссар Иры Нацбанк
Хуссар Иры Нацбанк - Sputnik Хуссар Ирыстон
Бафыссын
Yandex newsTelegram
Националон банкæй æфстау æхца чи исы, уыдонæн фæрогдæр кодтой кредитты фæдыл проценттæ фидыны уавæртæ. Фæстаг æртæ азы мидæг процентон ставкæйы бæрц фæкъаддæр кодтой æртыккаг хатт.

ЦХИНВАЛ, 21 мар — Sputnik. Хуссар Ирыстоны Националон банк 1 апрелæй кредитты фæдыл процентон ставкæ 18 процентæй фæкъаддæр кæндзæн 16,5 процентмæ.

Ахæм уынаффӕ рахаста банчы директорты совет, загъта финансон уагдоны сæргълæууæг Зассеты Феликс республикæйы президент Тыбылты Леонидимæ фембæлды рæстæджы.

Зассеты Феликс банысан кодта, республикæйы сæргълæууæджы хæслæвæрдмæ гæсгæ фæстаг æртæ азы мидæг процентон ставкæ кӕй фæкъаддæр кодтой дыууæ хатты. Уый ма загъта, процентты æфтиаджы фæрцы банк кæй бамбæрзта раздæры азты хæстæ.

"Фæстаг дыууæ азы мидæг националон банчы æфтиаг уыд 211 милуан 600 мин сомы, уыдонæй 150 милуан сомы ацыд раздæры æзты зиæнттæ бамбæрзыныл", — загъта Националон банчы сæргълæууæг.

Уый ма бафтыдта, йæ æфтиæгты 20 проценты банк кæй хæссы республикæйы бюджетмæ.

Зассеты Феликс ма хъусдардмæ айста президенты æнхъарæн, цæмæй йæ кредиттæ рæстæгыл чи фиды, уыцы æмбæстæгтæн дæр фæкъаддæр кæной сæ процентон ставкæ.

Тыбылты Леонид бузныг загъта Националон банчы директорты советæн æнтыстджын архайды тыххæй æмæ республикæйы парламент æмæ адæммæ президенты ныстуаны пункттæ æххæст кæныны тыххæй.

Ног хабӕртты лентӕ
0