ЦХИНВАЛ, 24 мар — Sputnik. Ӕфсӕддон техникӕйы 200 иуӕджы ӕмӕ 600-йӕ фылдӕр уӕрӕсейаг ӕфсӕддон службӕгӕнӕджы хайад райстой хӕстон ӕхстытимӕ тактикон ахуырты, кӕцытӕ уагъд ӕрцыдысты "Дзарцъемы" полигоны Хуссар Ирыстоны, хъусын кӕны Хуссар ӕфсӕддон зылды (ХӔЗ) пресс-службӕ.
Ахуырты хайад райстой базӕйы мотострелкон, танкон, артиллерион, ракетӕйон ӕмӕ базӕйы сӕрмагонд дӕлхӕйттӕ.
"Ахуырты рӕстӕджы ӕфсӕддонтӕ базонгӕ сты танктӕ Т-72А, фистӕджыты хӕстон машинӕ БМП-2, артиллерион ӕвӕрдтӕ "Акация"-йӕ ӕмӕ ӕндӕр хӕцӕнгӕрзтӕй ӕхсыны сусӕгдзинӕдтимӕ", — дзырдӕуы зылды хъусинаджы.
Уӕлдай хъусдард ахуырты рӕстӕджы аздахдзысты тох ӕнӕзонгӕ хӕххон уавӕрты уадзыны хиӕдтӕм ӕмӕ хӕстон машинӕтӕй ӕхсыны фӕлтӕрддзинад бафидар кӕнынмӕ.
