ЦХИНВАЛ, 24 мар — Sputnik. Арæнхъахъхъæнджытæ æрцахстой 58-аздзыд Гуырдзыстоны æмбæстаджы, фехъусын кодтой Хуссар Ирыстоны ПÆК-ы пресс-службæйы.
Азы райдайæнæй арæнхъахъхъæнджытæ æрцахстой арæн æмæ арæны режимы 12 халæджы. Фæткхалӕн цаутæ нысан æрцыдысты Цхинвалы æмæ Ленингоры районы.
"Цхинвалы хуссаргæрон паддзахадон арæны режим фехалыны тыххæй ахст æрцыд Гуырдзыстоны æмбæстаг. Уый разынд 1958 азы гуырд Гуры цæрæг", — загъта ПÆК-ы минæвар.
Ведомствӕйы банысан кодтой, æрцахсты рæстæджы арæнсæттæгмæ кæй нæ разынд документтæ, ныртæккæ цæуы куыст йæ ном ӕмӕ мыггаг сбæлвырд кæныны фæдыл.
