ЦХИНВАЛ, 28 мар — Sputnik. Фыдыбӕстӕ хъахъхъӕнджыты номыл ӕхсӕнадӕмон турнир уӕгъдибар хъӕбысхӕстӕй ӕрӕмбырд кӕндзӕн Цхинвалмӕ ӕрыгон богалты Цӕгат Каказы республикӕтӕй, фехъусын кодтой Sputnik фӕсивӕдон политикӕ, спорт ӕмӕ туризмы комитеты.
"Ерыстӕм хуынды гӕххӕттытӕ арвыстам Абхазмӕ, Кӕсӕг-Балхъармӕ, Дагъыстанмӕ, Доненцк ӕмӕ Луганскы адӕмон республикӕтӕм, Мӕскуы ӕмӕ Цӕгат Ирыстонмӕ", — загъта комитеты минӕвар Кӕсойты Ацӕмӕз.
Уый банысан кодта, ерыстӕ уагъд кӕй цӕудзысты спорты галуан "Олимп"-ы 2-3 апрелы. Уӕлахизыл тох цӕудзӕн 2002-2003 ӕмӕ 2003-2004 ӕзты гуырд спортсменты ‘хсӕн. Турнир организацигонд цӕуы фӕсивӕдон фонд "Амран", Уӕгъдибар хъӕбысхӕсты федераци ӕмӕ спорты комитеты тыхтӕй.
Спорт Хуссар Ирыстоны
© Sputnik
