Тыбылты Леонид йæ райгуырæн боныл æмбæлы йæ куысты

© Sputnik / Алексей Никольский /  Ахизын медиабанкмæРХИ президент Тыбылты Леонид
РХИ президент Тыбылты Леонид - Sputnik Хуссар Ирыстон
Рафыссын
Бæстæйы сæргълæууæгæн йæ райгуырæн боны цытæн раарфæ кодтой хуссарирыстойнаг æмæ уæрæсейаг политиктæ æмæ æхсæнадон архайджытæ, уыдон нымæцы УФ президент Владимир Путин, премьер-министр Дмитрий Медведев. Президенты боныфæтк у æрвылбойнон - цалдæр æмбырды æмæ кусæгон фембæлды.

ЦХИНВАЛ, 28 мар — Sputnik. Хуссар Ирыстоны президент Тыбылты Леонид къуырисæры нысан кæны йæ райгуырæн бон, бæстæйы сæргълæууæг йæ 64-æм райгуырæн боныл æмбæлы йæ куысты, фехъусын кодта йæ пресс-секретарь Гана Яновская.

"Абоны бон президент арвитдзæн йæ куысты, йӕ боныфæтк у æрвылбойнон — цалдæр фембæлды республикон ведомствӕты къухдариуæггæнджытимæ æмæ инвестпрограммæйы реализацийы фæдыл æмбырдтæ", — загъта уый.

Тыбылты Леонидæн йæ райгуырæн боны цытæн раарфæ кодтой хуссарирыстойнаг политикон æмæ æхсæнадон архайджытæ. Арфæйы телтæ ма æрцыдысты УФ президент Владимир Путинæй, премьер-министр Дмитрий Медведевæй, æндæр уæрæсейаг æмæ фæсарæйнаг политикон æмæ æхсæнадон архайджытæй.

Тыбылты Леонид Харитоны фырт райгуырд 1952 азы 28 марты хуссарирыстойнаг хъæу Уæллаг Дуаны. Каст фæцис Хуссар Ирыстоны педагогон институты физикон-математикон факультет. Службæ кодта Советон Æфсады рæнхъыты, уый фæстæ куыста Хуссар Ирыстоны адæмон ахуырады рæнхъыты. 1981 азы бацыд службæмæ Советон Цæдисы Паддзахадон æдасдзинады комитетмæ. 1992 азы нысан æрцыд РХИ паддзахадон æдасдзинады министрæй.

Афтæ ма фæллой кодта республикæйы хицауады æмæ гуырдзиаг-ирон хъаугъа æрнывыл кæныны фæдыл Æмхæццæ контролон къамисы. Лæвæрд ын æрцыд "инæлар-майор"-ы æфсæддон ном, афтæ ма йын ис дипломатон ранг "Æххæстбарджын минæвар".

2012 азы æвзæрст æрцыд Республикæ Хуссар Ирыстоны президентæй.

Хорзæхджын у Советон Цæдисы, Хуссар Ирыстоны æмæ Днестргæрон Республикӕйы майдантæй.

Ис ын бинонтæ — цардæмбал, дыууæ чызджы æмæ цыппар хъæбулы хъæбул.

Ног хабӕртты лентӕ
0