ЦХИНВАЛ, 28 мар — Sputnik. Цхинвалы сывӕллӕтты скъола — студи "Бонвӕрнон" йӕ сӕвзӕрдыл 15 азы сӕххӕсты цытӕн равдисдзӕн бӕрӕгбонон концерт, фехъусын кодта Sputnik студийы къухдариуӕггӕнӕг Тедеты Алена.
Скъола-студи "Бонвӕрнон" арӕзт ӕрцыд 2001 азы Цхинвалы дыккӕгӕм астӕуккаг скъолайы дӕлбар. Ныридӕгӕн ам аивады хицӕн здӕхӕнтыл цайдагъ кӕнынц 60 ахуырдзауӕй фылдӕр.
"Юбилейон концерт нӕ чысыл артисттӕ равдисдзысты дыццӕджы Профцӕдисты бӕстыхайы. "Бонвӕрнон" концертмӕ рахӕсдзӕн хуыздӕр 16 номыры зарынӕй, аив бакастӕй ӕмӕ аивады ӕндӕр хуызтӕй", — загъта Тедеты Алена.
Афтӕ ма, йӕ ныхӕстӕм гӕсгӕ, студийы хъомылгӕнинӕгтӕ ӕрвылаз дӕр равдисынц хыгъдон концерттӕ.
Скъола-студи "Бонвӕрнон"-ы артисттӕ ӕнтыстджынӕй архайынц алыгъуызон конкурсты. Ссисты Туркы, Дзӕуджыхъӕуы ӕмӕ ӕндӕр горӕтты уагъдцӕуӕг конкурсты призертӕ.
