ЦХИНВАЛ, 30 мар — Sputnik. Уæрæсе æмæ Хуссар Ирыстоны президенттæ Владимир Путин æмæ Тыбылты Леонид æруынаффæ кæндзысты дыууæ бæстæты ахастытыл, фехъусын кодта хуссарирыстойнаг лидеры пресс-секретарь Гана Яновская.
УФ æмæ РХИ-ы сæргълæуджыты фембæлд уагъд æрцæудзæн Мæскуыйы цыппæрæмы.
"Фембæлды рæстæджы æртæрхон кæндзысты Хуссар Ир æмæ Уæрæсейы æхсæн дыууæвæрсыг ахастыты райрæзты уæрæх спектрыл, уый нымæцы, республикæйы социалон-экономикон райрæзты æмæ Уæрæсейы æрдыгæй сæндидзæны процессæн фæахъаз кæныны фарстытыл", — загъта Яновская.
Йæ ныхæстæм гæсгæ, боныфæткы ма ис, Хуссар Ирыстон æмæ Уæрæсейы æхсæн æмцæдисад æмæ интеграцийы фæдыл фарон цы бадзырд бафыст æрцыд, уый реализацийы фарстытæ, кæцы дыууæ бæстæйы æхсæн æмгуыстад ракодта ног бæрзонд æмвæзадмæ.
Владимир Путин æмæ Тыбылты Леонид æмбæлынц æвдæм хатт. Тыбылты Леонид Уæрæсейы Федерацийы фондз хатт уыд кусæгон балцы æмæ иу хатт та официалон визитимæ 2012 азы октябры. Владимир Путин Хуссар Ирыстоны никуы уыд.
