ЦХИНВАЛ, 8 апр — Sputnik. Цхинвалы кӕцыдӕр районты цӕрджытӕ ӕййафынц доны цухдзинад, Паддзахадон унитарон куыстуат "Водоканал" райсомӕй ратты дон горӕты иу хаймӕ, изӕрӕй та аннӕмӕ, фехъусын кодтой Sputnik горӕты администрацийы пресс-службӕйы.
"Горӕт донӕй ифтонг цӕуы Дзомагъ ӕмӕ Едысӕй. Уалдзыгон миттады рӕстӕджы Дзомагъы дон вӕййы змӕст ӕмӕ йӕ бахъӕуы ахицӕн кӕнын, уымӕ гӕсгӕ горӕтмӕ цы дон цӕуы, уый гуырахст фӕкъаддӕр ис", — загътой уагдоны пресс-службӕйы.
Уым ма куыд радзырдтой, афтӕмӕй "Водоканал"- ы куысджытӕ сӕ цӕст дарынц доны уавӕрмӕ ӕмӕ куыддӕр расыгъдӕг уа, афтӕ йӕ баиу кӕндзысты магистралон доны хӕтӕлмӕ.
