ЦХИНВАЛ, 8 апр — Sputnik. Хуссар Ирыстоны президент Тыбылты Леонид фехъусын кодта, республикæйы барадон органты сæйраг хæсæй кæй снысан кодта Конституцийыл æнæрлæугæ куыст.
Хуссар Ирыстоны майрæмбоны нысан кæнынц Конституцийы юбилей — архайгæ Бындурон закъон райст æрцыд æппæтадæмон референдум ауадзыны фæстиуæгæн 15 азы размæ 8 апрелы. Юбилейон датæйы фæстиуæгæн Тыбылты Леонид æрсидт цæрджытæм арфæйы ныхæстимæ.
Паддзахады сæргълæууæг банысан кодта, Хуссар Ирыстоны Конституцийы кæй ис бæлвырд цухдзинæдтæ æмæ хъæндзинæдтæ æмæ уыдон хъæуы рараст кæнын.
"Конституци у удæгас механизм, кæцы хъуамæ дзуапп дæтта нæ паддзахады царды цæуæг ивындзинæдтæн. Конституцийыл куыст у республикæйы барадон органты сæйраг хæстæй иу", — дзырдæуы президенты арфæйы ныхасы.
Уый банысан кодта, ома куыд Конституцийы гарант, афтæ йæ хъус дардзæн, цæмæй Конституцимæ ивындзинæдтæ хаст цæуой æрмæстдæр æмбæлон къамисы скъуыддзагы æмæ хицауады æппæт къабазтимæ æрæмдзыхы фæстæ.
"Æрмæстдæр ахæм мадзæлтты фæрцы махмæ ныллæудзæн конституцион стабилондзинад", — фидарæй загъта президент.
