ЦХИНВАЛ, 11 апр — Sputnik. Арæнхъахъхъæнджытæ æрцахстой Хуссар Ирыстоны Цхинвалы районы паддзахадон арæны режим сæттæджы, фехъусын кодтой Sputnik Æдасдзинады комитеты пресс-службæйы.
"Цхинвалы районы Громы хъæуы цур арæнхъахъхъæнджытæ æрцахстой Гуырдзыстоны æмбæстаджы — Гуры районы Кирбалийы хъæуы цæрæджы. Хуссар Ирыстоны территорийыл уый февзæрд фос хизгæйæ", — фехъусын кодта уагдоны минæвар.
Æрцахсты рæстæджы арæнсæттæгмæ ницы документтæ разынд, арæнхъахъхъæнджытæ кусынц йæ гоймагдзинад сбæлвырд кæныныл.
