ЦХИНВАЛ, 11 апр — Sputnik. Цхинвалы сӕ арӕхстдзинад равдисдзысты Абхазы адӕмон кафт ӕмӕ зарды ансамбль "Абжьыуаа" ӕмӕ йӕ этнографион къорд "Эрцаху"-йы артисттӕ, фехъусын кодта Sputnik концерты организатортӕй сӕ иу, РХИ сгуыхт артисткӕ Саппиаты Зӕлинӕ.
Къорд ӕрцӕудзӕн Цхинвалмӕ республикӕйы культурӕйы министрады фӕхуындмӕ гӕсгӕ.
"Ансамблы сконды ис кафт ӕмӕ зарды коллективтӕ дӕр. Ацы скондӕй нӕ республикӕмӕ коллектив ӕрцӕуы фыццаг хатт. Аивадон къордтӕ 13 апрелы изӕры авд сахатыл киноконцертон зал "Чермен"-ы равдисдзысты ног хъӕзныг программӕ", — загъта Саппиаты Залина.
Афтӕ ма, йӕ ныхӕстӕм гӕсгӕ, абхазаг ансамбль ратдзӕн концерттӕ Цӕгат Ирыстон ӕмӕ Кӕсӕг-Балхъары республикӕты дӕр.
