ЦХИНВАЛ, 12 апр — Sputnik. РЦИ-Аланийы мидхъуыддæгты министрæй нысан æрцыд полицийы инæлар-майор Михаил Скоков. Æмбæлон указ мыхуыр у барадон информацийы официалон сайтыл.
Раздæр Скоков къухдариуæгад кодта Смоленкы областы мидхъуыддӕгты министрады управленийæн, у полицийы инæлар-майор.
Биографион справкæ
Мидхъуыддæгты органты Скоков кусы 1990 азы сентябрæй.
2000 азы куыста Ростовы областы, г. Новошахтинскы горæты мидхъуыддæгты управленийы (ГМХУ) организацигонд фыдгæнон къордты ныхмæ управленийы (ОФКУ) хайады гæсæй.
2007 азы ноябры Скоков нысан æрцыд Ростовы областы криминалон полицийы уголовон агуырды управленийы сæргълæууæгæй, 2011 азæй та у регионы МХМ-ы Сæйраг управленийы сæргълæууæджы хæдивæг.
У бирæ хорзæхты хицау, уыдон нымæцы паддзахадон хорзæх — "Фыдыбæстæйы раз сгуыхтдзинæдты тыххæй" 2-аг къæпхæны медалы хицау.
Ис ын бинонтæ, хъомыл кæны дыууæ чызджы.
