ЦХИНВАЛ, 18 апр — Sputnik. Ирон дзюдоист Тасойты Инал ссис дзюдойы ӕхсӕнадӕмон ерысты уӕлахиздзау — уымӕн аккаг ныхмӕллӕуӕг нӕ разынд уӕззау уӕзы категорийы ӕмӕ рамбылдта Европӕйы Кубок, хъусын кӕны "Осетия Times".
Ӕхсӕнадӕмон ерыстӕ ӕрыгӕтты ‘хсӕн цыдысты хуыцаубоны Санкт-Петербурджы. Хайад сӕ райстой 346 спортсмены дунейы 22 бӕстӕйӕ.
"Тасойты Инал йӕ уӕлахизмӕ цӕугӕйӕ рамбылдта Гуырдзыстоны ӕмӕ Уӕрӕсейы спортсменты, се ‘хсӕн Руслан Шахбазов дӕр, кӕцыйӕн амӕй размӕ ирон богал фӕхӕрд ис", — дзырдӕуы хъусинаджы.
Иналӕй дарддӕр ма ӕндӕр ирон дзюдоисттӕ дӕр ӕрыздӕхтысты майдантимӕ — дыккаг бынат бацахста Таймӕзты Роберт ӕмӕ бронзӕ майдан та райста Джиоты Аслан.
