ЦХИНВАЛ, 18 апр — Sputnik. Хуссар æфсæддон зылды (ХÆЗ) æфсæддон службæгæнджытæ бакусдзысты ахуырадон-хæстон хæслæвæрдтæ æххæст кæныныл Хуссар Ирыстоны уæлхох полигоны, фехъусын кодта къуырисæры ХÆЗ-ы пресс-службæ.
Хъусинаджы куыд дзырдæуы, уымæ гæсгæ зымæгон рæстæг æфсæддонтæ сарæзтой марш уæлхох полигон "Дзарцъем"-мæ.
"Полигоны уавæрты уæрæсейы æфсæддон базæйы мотоæхсæн, артиллерион, танкон æмæ сгарæн дæлхайадтæн ауаддзысты контролон тактикон æмæ тактикон-сæрмагонд ахуыртæ. Æфсæддон службæгæнджытæ ратдзысты нормативтæ иумæйаг æфсæддон æмæ сæрмагонд цæттæдзинады элементты фæдыл", — радзырдтой пресс-службæйы.
Банысан æрцыд, ахуырты кæй архайынц уæрæсейаг æфсæддон базæйы дыууæ мин æфсæддоны æмæ 500 иуæджы техникæ.
