ЦХИНВАЛ, 19 апр — Sputnik. Хуссар Ирыстоны паддзахадон æдасдзинады комитеты кусджытæ ивгъуыд къуыри æрцахстой Гуырдзыстоны æмбæстæгты, сæ нацийы хаттмæ гæсгæ азербайджайнæгты, фехъусын кодта Sputnik къуырисæры паддзахадон æдасдзинады пресс-службæ.
Арæнсæттджыты æрцахстой 14 апрелы нелегалон миграцийы ныхмæ оперативон — агуырдон мадзæлтты рæстæджы.
"Ацы фæсарæйнаг æмбæстæгтæ æртæ мæйы размæ æнæзакъонон æгъдауæй рахызтысты Хуссар Ирыстоны паддзахадон арæныл Ленингоры районы, Арцеуы цæрæджы æххуысæй, кæцы сæ рахизын кодта арæныл æхцайыл", — загъта пресс-службæйы кусæг.
Арæнсæтджыты сабаты, 16 апрелы феддæдуар кодтой Хуссар Ирыстонæй, республикæйы цæрæджы ныхмæ та дарддæр цæуы равзæрст.
