ЦХИНВАЛ, 21 апр — Sputnik. Цхинвайлаг спортсментӕ хайад райсдзысты спортивон ӕхсӕнад "Динамо"-йы цӕгатирыстойнаг регионалон хайады ӕмбуар тохты фыццагады, фехъусын кодта Sputnik ӕмбуар хъӕбысхӕсты сгуыхт тренер Хъуылымбегты Мамед.
Фыццагады архайдзысты куыд ӕрыгон богалтӕ, афтӕ хистӕр кары спортсментӕ дӕр.
"Ерысты махӕй хайад райсдзысты 11 спортсмены, уыдонӕй фондз ис хистӕр кары ӕмӕ ӕхсӕз та ӕрыгон богалтӕ. Ныфс мӕ ис, хорз ӕнтыстытимӕ кӕй ӕрыздӕхдзыстӕм", — загъта тренер.
Ерыстӕ цӕудзысты 22-23 апрелы Уӕрӕсейы мидхъуыддӕгты министрады цӕгатирыстойнаг хайады ахуыргӕнӕн-спортивон комплексы.
Хъуылымбегты Мамед ма куыд банысан кодта, афтӕмӕй ӕмбуар хъӕбысхӕсты секци республикӕйы архайы ныр 20 азы дӕргъы, ӕпӕт ацы рӕстӕджы спортсментӕ хайад истой бирӕнымӕц уӕрӕсейаг турнирты ӕмӕ-иу ӕрыздӕхтысты хорз фӕстиуджытимӕ.
