ЦХИНВАЛ, 22 апр — Sputnik. ÆМА "Россия сегодня" радта старт традицион акци "Георгиаг лентæ"-йæн. Акци райдыдта 85 уæрæсеаг регионты, уымæ æрбангом уыдзысты дунейы 70 бæстæйы цæрæг уырыссæгтæ. Лентæ райсæн ис Мæскуыйы, ÆМА "Россия сегодня"-йы бæстыхайы цур, цыран 2005 азы бындур ӕвӕрд ӕрцыд ацы акцийӕн.
Пресс-конференцийы рæстæджы ÆМА "Россия сегодня"-йы генералон директор Дмитрий Киселев фыццаг георгиаг лентæтæ радта "Æнæмæлгæ полчы" минæвæрттæн.
"Нæ агентады 2005 азы цы хъæппæрис райгуырд, уымæй акци райрæзт уæрæх флешмобы онг. Адæм ацы лентæйы уынынц монон бындур, кæцы абоны бон у тынг ахсджиаг", — загъта ÆМА "Россия сегодня"-йы генералон директор Дмитрий Киселев.
Георгиаг лентæ Уæрæсейы æмæ фæсарæнты цы бынæтты райсæн ис, уыдон æххæст номхыгъд фадат ис базонын ria.ru/gl æмæ 9may.ru сайттыл.
Акцийы старты бон ÆМА "Россия сегодня" байгом кодта легендарон "Совинформбюро"- йæн нывонд равдыст, кæцыйæ рацыдысты егъау информацион агентадтæ — АПН, РИА Новости и ÆМА "Россия сегодня". Фоторавдыст æвдисы хæст "Совинформбюро"-йы къамисджыты цæстæй æмæ дзуры хæсты ахсджиагдæр этаптыл. Равдыст адарддæр уыдзæн 2016 азы 13 майы онг.
Акци "Георгиаг лентæ" райгуырд 2005 азы Агентады (2005 азы — РИА Новости, 2013 азæй- ÆМА "Россия сегодня") æппæтуæрæсейаг æхсæнадон организаци "Студенческая община"-йы хайадистæй. Уæдæй фæстæмæ акци ссис æрмæст æппæтуæрæсейаг нæ, фæлæ æмæхсæнадон дæр: 2009 азæ фæстæмæ георгиаг лентæтæ парахат кæнынц Россотрудничествойы фæсарæйнаг минæварадты æппæт дунейы.
10 азы мидæг акцийы организатортæ уыдысты алыгъуызон æхсæнадон æмæ коммерцион организацитæ.
2016 азы акцийы организатортæ сты Уæлахизы мингай волонтертæ æппæт Уæрæсейы, Роспатриотцентр æмæ Россотрудничествойы координаци æмæ æххуысæй, ÆМА "Россия сегодня"-йы информацион æххуысæй.
Традицион æгъдауæй акци байгом ÆМА "Россия сегодня"-йы бæстыхайы цур æмæ ам райдыдтой уарын фыццаг георгиаг лентæтæ.
Миллуан адæмæн, æрмæст Уæрæсейы нæ, фæлæ ма фæсарæнты дæр, георгиаг лентæ у зæрдылдарыны, фæлтæрты бастдзинад æмæ æфсæддон кады символ.
