ЦХИНВАЛ, 25 апр — Sputnik. Хуссар Ирыстоны уæвæг уæрæсейаг æфсæддон базæйы службæгæнджытæй дыууæ минæй фылдæр ауагътой тактикон ахуыртæ хæстон æхстимæ, дзырдæуы Хуссар æфсæддон зылды (ХÆЗ) пресс-службæйы хъусинаджы.
"Тактикон ахуырты рæстæджы æфсæддон службæгæнджытæ сæххæст кодтой хæстон æхстытæ: танктæ Т-72БМ,æфсæддон машинæтæ БМП-2, артиллерион машинæтæ "Гвоздика", минæхсæгтæ"Сани", автоматон æмæ къухæй архайгæ гранатæхсæгтæ АГС-17 æмæ РПГ-7, афтæ ма æхсæн хæцæнгарзæй",- дзырдæуы хъусинаджы.
Уым ма дзырдæуы, ахуырты рæстæджы кæй спайда кодтой 200 мысанæй æмæ 500 иуæджы æфсæддон техникæйæ.
Æфсæддон службæгæнджытæ уæлдай хъусдард аздæхтой хæххон-хъæдджын бынаты хæстон архæйдтытæ уадзыныл, афтæ ма бакуыстой дæлхайадты организаци æмæ æмархайды механизмтыл.