Хуссар Иры 11 командӕ архайдзысты интеллектуалон ерысты

© Sputnik / Евгения Новоженина /  Ахизын медиабанкмæСкъоладзаутæ
Скъоладзаутæ - Sputnik Хуссар Ирыстон
Рафыссын
Скъолаты ныхмӕлӕууӕг командӕттӕ "Брейн-ринг"-ы хъӕзтыты ӕвзӕрст ӕрцӕудзысты халӕппӕрсты руаджы.

ЦХИНВАЛ, 25 апр — Sputnik. Хуссар Иры 11 скъолайы тыхджындӕр командӕтӕ сӕ зонындзинӕдтӕ фӕлвардзысты ӕппӕтреспубликон "Брейн-ринг"-ы хъӕзтыты, фехъусын кодта Sputnik фӕсивӕдон политикӕ, спорт ӕмӕ туризмы комитеты пресс-службӕйы.

Ныхмӕлӕууӕг командӕтӕ ӕвзӕрст ӕрцӕудзысты халӕппӕрсты руаджы. Мадзал райдайдзӕн ПККЗ "Чермен"-ы дыццӕджы 13:30, уыцы бон фӕбӕрӕг уыдзӕн бӕстӕйы зондджындӕр командӕ.

"Скъолаты командӕтӕм бацыдысты хистӕр кълӕсты ахуыргӕнинӕгтӕ. Сӕ зонындзинӕдтӕ сын фӕлвардзысты чингуытӕ "100 великих людей", "100 великих чудес природы" ӕмӕ "100 великих чудес света"-йӕ сисгӕ фарстытӕй.

Скъолайон интеллектуалон ерысты уӕлахиздзау райсдзӕн зӕрдылдарӕн лӕвӕрттӕ ӕмӕ диплом. "Брейн-ринг"-ы хъазтытӕ организацигонд цӕуынц фӕсивӕдон политикӕ, спорт ӕмӕ туризмы комитеты тыхтӕй.

Ног хабӕртты лентӕ
0