Дыууӕ цхинвайлаг спортсмены ссисты ӕмбуар тохты фыццагады уӕлахиздзаутӕ

© Sputnik / Антон Денисов /  Ахизын медиабанкмæӔмбуар тохты фыццагад
Ӕмбуар тохты фыццагад - Sputnik Хуссар Ирыстон
Рафыссын
Спортивон ӕхсӕнад "Динамо"-йы цӕгатирыстойнаг регионалон хайады ӕмбуар тохты фыццагады архайдта 11 богалы. Уыдонӕй дыууӕйӕ систы уӕлахиздзаутӕ, иу та дзы бацахста ӕртыккаг бынат.

ЦХИНВАЛ, 25 апр — Sputnik. Цхинвайлаг спортсментӕ спортивон ӕхсӕнад "Динамо"-йы цӕгатирыстойнаг регионалон хайады ӕмбуар тохты фыццагады райстой дыууӕ фыццаг ӕмӕ иу ӕртыккаг бынат, фехъусын кодта Sputnik ӕмбуар хъӕбысхӕсты сгуыхт тренер Хъуылымбегты Мамед.

Дыгъуызты Виктория ӕмӕ Бесаты Руслан систы ӕмбуар тохты фыццагады уӕлахиздзаутӕ, Лолоты Артур та бацахста ӕртыккаг бынат.

"Хорз бӕрӕггӕнӕнтӕ равдыстой нӕ спортсментӕ. Ӕмсӕр ныхмӕлӕууӕг нӕ разынд 75 килограммы уӕзы Дыгъуызты Викторияйӕн 18 азӕй уӕлӕмӕ кары спортсменты 'хсӕн. Ӕнгӕс ӕнтыстытӕ уыд Бесаты Русланӕн дӕр, уый та архайдта 90 килограммы уӕзы ӕмӕ ссис уӕлахиздзау", — загъта Хъуылымбегты Мамед.

Уый ма радзырдта, Хуссар Ирыстоны командӕйы иннӕ минӕвар Лолоты Артур та кӕй бацахста ӕртыккаг бынат.

Ерыстӕ цыдысты 22-23 апрелы Уӕрӕсейы мидхъуыддӕгты министрады цӕгатирыстойнаг хайады ахуыргӕнӕн-спортивон комплексы.

 

Ног хабӕртты лентӕ
0