ЦХИНВАЛ, 26 апр — Sputnik. Цхинвалы районы Тъбеты хъæуы цæрæг Хацырты Валик фæмард автомобилон аварийы, хъусын кæны Мидхъуыддæгты министрады пресс-службæ.
Фæндагон-транспортон цау æрцыд къуырисæры, 18:10 Тъбеты хъæуы цур. Автомашинæ, кæцыйы шофыр уыд ПÆК-ы арæнгæрон службæйы æфсæддон службæгæнæг, ныццавта Хацырты Валикы машинæ.
"Аварийы фæстиуæгæн дыууæ шофыры æмæ 16-аздзыд пассажиркæ алыгъуызон цæфтимæ бахаудысты республикон рынчындонмæ. Райсгæ цæфтæй Хацырты Валик, йæхимæ не ‘рцæугæйæ, амард рынчындоны", — загъта министрады минæвар.
Медицинон басгæрсты акт сбæлвырд кодта, Арæнгæрон службæйы кусæг кæй уыд нозтджын.
Ныртæккæ уый ис республикон рынчындоны, хъусдарды бын. Мидхъуыддӕгты министрад кусы цауы уавæртæ сбæлвырд кæныныл.
