ЦХИНВАЛ, 26 апр — Sputnik. Уӕрӕсейы президент Владимир Путин бафыста РХИ æмæ УФ-йы æхсæн паддзахадон арӕны фӕдыл бадзырд сратификаци кæныны тыххӕй закон, фехъусын кодта Кремлы сайт дыццæджы.
"Бадзырд у бындурон документ, кӕцы бӕлвырд кӕны дыууӕ бӕстӕйы ‘хсӕн паддзахадон арӕны хахх кӕрӕй-кӕронмӕ, Уӕрӕсе, Хуссар Ир ӕмӕ Гуырдзыстоны паддзахадон арӕнтӕ ныгуылӕны кӕм иу кӕнынц, уырдыгӕй ӕртӕ бӕстӕйӕн сӕ скӕсӕйнаг баиугӕнды онг, кӕцы бынӕттӕ сбӕлвырд кӕндзысты ӕртӕварсон хицӕн бадзырдтӕ", — дзырдæуы документмæ справкæйы.
Хуссар Ирыстон ӕмӕ Уӕрӕсейы ӕхсӕн паддзахадон арӕны бындурыл ист ӕрцыд, Советон Цӕдисы ныппырхы рӕстӕгмӕ Гуырдзыстоны ӕмӕ Уӕрӕсейы ӕхсӕн цы административон-территориалон арӕн ӕвӕрд уыд, уый.
