ЦХИНВАЛ, 27 апр — Sputnik. Ирон рапиристкӕ Санаты Аида Рио-де-Жанейройы рамбылдта дунейы чемпионаты сыгъзӕрин майдан, хъусын кӕны Цӕгат Ирыстоны спорты министрад.
Санаты Аида архайдта Уӕрӕсейы командӕйы сконды Инна Дериглазова ӕмӕ Аделина Загидуллинаимӕ иумӕ.
"Санаты Аида рамбылдта Мартина Батинийы 5:3 хыгъдӕй, уый фӕстӕ тох адарддӕр кодта Инна Дериглазова. Уый иу фембӕлд фӕхӕрд ис 5:7 хыгъдӕй, фӕлӕ тох рамбылдта 45:39 бӕрӕггӕнӕнтимӕ ӕмӕ йӕ командӕйӕн ӕрхаста уӕлахиз", — дзырдӕуы хъусинаджы.
Санаты Аида у 2008 азы Олимпиаг хъӕзтыты уӕлахиздзау, Европӕ ӕмӕ дунейы уӕлахиздзау, бирӕнымӕц ерысты призер.
