ЦХИНВАЛ, 28 апр — Sputnik. Хуссар Ирыстоны парламент бахаста ивындзинæдтæ æфсæддон службæгæнджыты статусы фæдыл. Ног барастгæнинæгтæм гæсгæ контрактон службæгæнджытæ сæ куыстæй ацыды фæстæ ноджы иу аз исдзысты мызд.
Депутатты размæ фарст рахаста хъахъхъæнынады фæдыл парламентон комитеты разамонæг Тасойты Дмитрий. Йæ ныхæстæм гæсгæ, документ бацæттæ кодта Хуссар Ирыстоны ПÆК æмæ рацыд уынаффæтæ алыгъуызон инстанцты, уый нымæцы парламенты президиум æмæ профилон комитеты рабадтты.
"Ивындзинæдты нысан ис уый мидæг, æмæ 20 азæй фылдæр сæ службæйы æмгъуыд цы контрактон службæгæнджытæн у æмæ куыстæй сæрибар чи æрцыд æнæ пенси исыны барæй, уыдон мызд исдзысты сæ куыстæй ацыды фæстæ ноджы иу аз",- загъта Тасойты Дмитрий.
Законмæ гæсгæ, æфсæддон номмæ гæсгæ мызд фидыны уагæвæрд бæлвырд кæны республикæйы хицауад.
