ЦХИНВАЛ, 28 апр — Sputnik. Хуссар Ирыстоны бастдзинады компани "Остелеком" Стыр Фыдыбӕстӕйон хӕсты ветеранты телефоны хыгъдтӕ баххӕст кӕндзӕн фӕйнӕ 500 сомӕй, фехъусын кодта Sputnik компанийы PR- менеджер Ӕлборты Елена.
"Акци арӕзт цӕуы, цӕмӕй Стыр Фыдыбӕстӕйон хӕсты архайджытӕн фадат уа адзурынӕн сӕ хӕстон ӕмгӕрттимӕ дунейы алы къуымтӕм. Ӕппӕт абоненттӕн, кӕцытӕ архайынц тариф "ветеран"-ӕй, сӕ хыгъдтӕ 8 майы баххӕст кӕндзыстӕм фӕйнӕ 500 сомӕй", — радзырдта Елена.
Уый ма банысан кодта, ивгъуыд аз дӕр ацы акци кӕй аххӕссыд республикӕйы ӕппӕт ветерантыл.
"Фарон компани балӕггад кодта 88 ветеранӕн", — загъта "Остелеком"-ы минӕвар.
