ЦХИНВАЛ, 29 апр — Sputnik. Хуссар Ирыстоны паддзахадон киноконцертон зал "Чермен"-ы Стыр Фыдыбӕстӕйон хӕсты хайадисджытӕн суанг Уӕлахизы бӕргӕбонмӕ сеанстӕ сты ӕнӕаргъӕй, фехъусын кодта Sputnik залы директор Саулохты Константин.
Республикӕйы Стыр Уӕлахизы бӕрӕгбонмӕ хӕсты хайадисджытӕн арӕзт цӕуынц алыгъуызон акцитӕ. Уӕлахизы боны цытӕн ПККЗ "Чермен" дӕр йӕ нывӕзтмӕ бахаста ивындзинӕдтӕ ӕмӕ ‘вдыст цӕуынц хӕстон кинонывтӕ.
"Боны 12 сахатӕй фӕстӕмӕ ветерантӕн ӕнӕаргъӕй ӕвдыст цӕуынц хӕстон кинонывтӕ —"В бой идут одни старики", "А зори здесь тихие", "9 рота" ӕмӕ "Ярость", — загъта Саулохты Константин.
Акци ахӕсдзӕн суанг 9 маймӕ.
