Ӕхсӕвӕй-бонӕй цыдысты карз тохтӕ, ӕппынӕдзух калдтой бомбӕтӕ хӕдтӕхджытӕй. Мах уыдыстӕм цӕугӕдон Волгӕйы рахисварс. Махӕй дӕр ӕмӕ немыцӕгтӕй дӕр фӕцагъды ис бирӕ. Хъахъхъӕдтам тракторты завод Сталинграды. Размӕ бырсынӕн уыд тӕссаг — немцӕгтӕ уыдысты тынг ӕввахс. Зӕгъӕм,
Сырх ӕфсад Цхинвалы "Массивы" куы уаид ӕмӕ немыцӕгтӕ та "Дыргуисы". Мӕ хӕстон ӕмгӕрттӕ куы цагъды кодтой мӕ фарсмӕ, уӕд-иу мӕ сӕры фӕкуысси ис ахӕм хъуыды — йӕ фӕстӕ та ӕз уыдзӕн.
Ног ӕрсиддонтӕ-иу хатгай иу суткӕ дӕр нӕ баззадысты, афтӕмӕй-иу фӕмард сты. Ӕдзух нӕм кодтой ног ӕфсӕддонты, уымӕн ӕмӕ Сталинграды сӕрвӕлтау тохы мард бирӕ хӕстонтӕ.
1942 азы радон тохты Григорий Николайы фырт райста дывӕр цӕфтӕ — йӕ астӕуы ӕмӕ йӕ хуылфы.
