ЦХИНВАЛ, 11 май — Sputnik. Интернет Хуссар Ирыстонмæ цы оптотаджы хаххы фæрцы цæуы, уый бахъыгдарды фæстиуæгæн республикæйы бæрæг февзæрдæр бастдзинады гъæд, фехъусын кодта Sputnik "Остелеком"-ы гендиректор Олег Савчук.
Хуссар Иры цæрджытæ фæстаг цалдæр боны хъаст кæнынц, цæхгæр кæй февзæрдæр бастдзинад æмæ интернеты гъæд. "Остелеком"-ы бамбарын кодтой, цы аххосæгтæм гæсгæ фадат нæй аварийы аххосæг цыбыр æмгъуыдмæ аиуварс кæнын.
"Интернет нæм цæуы оптотагон хахх Газпром-Телекомы руаджы æмæ уый бахъыгдард 7 майы 14 сахатмæ æввахс. Аварийы бынат ис хæхтыл, 3000 метры бæрзæндæн бынаты. Вазыгджын метеоуавæрты аххосæй Газпром нырма не ‘рывнæлдта аварийы фæстиуджытæ аиуварс кæнынмæ", — загъта Савчук.
Йæ ныхæстæм гæсгæ, ныртæккæ "Остелеком" кусы резервон каналыл, уымæн та йæ уадзæн хъомысад у тынг цыбыр, уымæ гæсгæ интернеты гъæд у æвзæр.
"Компани "Остелеком" куры хатыр йæ абоненттæй æрхæсгæ зынвадæтты тыххæй", — загъта уый.
ЗАО "Остелеком" — фыццаг мобилон бастдзинады оператор РХИ-ы территорийыл. Компани арæзт æрцыд 2004 азы. 2010 азæй "Остелеком" ифтонг кæны бастдзинады лæггæдтæй фыццаг уæрæсейаг оператор бренд "Мегафон"-ы бын.
