ЦХИНВАЛ, 16 май — Sputnik. Цæгатирыстойнаг Гуырцъыты Маргаритæ ссис Европæйы дыууæ хатты чемпионкæ. Ерыстæ уагъд цыдысты Татарстаны столицæйы 13-15 майы.
30 бæстæйæ самбисттæ цы турниры архайдтой, уыдонæй турниры хорзæхты хицæуттæ ссисты 14 æмбырдгонды минæвæрттæ, хъусын кæны РИА Новости.
Маргаритæ ссис сыгъзæрин майданы хицау, фæстаг ныхмæлæуд æмгъуыдæй раздæр рамбулгæйæ.
Гуырцъыты Маргаритæ у уæрæсейаг самбисткæ æмæ дзюдоисткæ. Самбо æмæ дзюдойæ Уæрæсейы чемпионатты призер æмæ чемпионкæ. Самбойæ Европæйы дыууæ хатты чемпионкæ, Уæрæсейы спорты дæсны.
Европæйы радон чемпионат уагъд æрцæудзæн 2017 азы майы, Минскы.
