Гуырдзиаг меньшевик Валико Джугъели, кæцы 1920 азы разамынд кодта æфхæрæг операцийæн Хуссар Ирыстоны, уыцы цаутæ иууылдæр лæмбынæгæй фыста йӕ бонæджы, кæцы фæстæдæр мыхуыры рацыд "Тяжелый крест" номимæ.
Джугъелийы бонæг Хуссар Ирыстоны бавæрд æрцыд фильмы бындуры. Режиссер Мамиты Григорийы ныхæстæм гæсгæ, фильм ахсджиаг у историйæн, ивгъуыд æнусы Хуссар Иры цы политикон процесстæ асайдтой геноцидмæ, уыдон бамбарынæн.
Фильмы сæйраг роль æххæст кæны Бибылты Сослан — иунæг профессионалон актер. Иннæ рольтæм хуынд æрцыдысты студенттæ æмæ скъоладзаутæ.
