ЦХИНВАЛ, 18 май — Sputnik. Дзауы районы райдыдта стъолы теннисы гом фыццагад скъоладзауты ‘хсӕн, фехъусын кодта Sputnik районы администрацийы пресс-службӕйы кусӕг Тедеты Лиана.
Ерыстӕм хуынд ӕрцыд аст командӕйы — горӕттӕ Цхинвал ӕмӕ Къуаисайӕ, афтӕ ма республикӕйы цыппар районы хицӕн хъӕуты командӕтӕ.
"Тыхджындӕр командӕ фӕбӕрӕг уыдзӕн изӕры", — загъта Тедеты Лиана.
Мадзал уагъд цӕуы районы спорты комитеты тыхтӕй.
