Аварийы фæцæфуӕвджыты фæхæццæ кæндзысты Мæскуы æмæ Дзæуджыхъæумæ

© Sputnik / Наталья Селиверстова / Ахизын фотобанкмӕУФ хъахъхъæнынады министрад
УФ хъахъхъæнынады министрад - Sputnik Хуссар Ирыстон
Ныртæккæ аварийы цыппар амæттаджы цæттæ кæнынц Мæскуымæ, хъахъхъæнынады министрады хосгæнæн уагдæттæм фæхæццæ кæнынмӕ. Иннæ æфсæддонты та дохтырты барамындмæ гæсгæ арвитдзысты Дзæуджыхъæуы госпитальмæ.

ЦХИНВАЛ, 19 май — Sputnik. Хуссар Ирыстоны хæххон фæндагæй автобус былæй ахауыны фæстиуæгæн цы уæрæсейаг æфсæддон службæгæнджытæ фæцæф сты, уыдонæй цыппары хъуамæ арвитой срмагонд рейсыл Мæскуымæ, иннæ рынчынты та — Дзæуджыхъæуы æфсæддон госпитальмæ, фехъусын кодтой РИА Новости УФ тыхон структурæты.

Цхинвалы рынчындон - Sputnik Хуссар Ирыстон
Дохтыртæ иууылдæр сты мобилизацигонд, аварийы зианбаййафджытæн кæнынц алыварсон æххуыс

Раздæр УФ хъахъхъæнынады министрад фехъусын кодта, Хуссар Ирыстоны Цхинвал æмæ Хъанцелты хъæуы æхсæн хæххон фæндагыл былæй кæй ахауд автобус уæрæсейаг æфсæддонтимæ. Фæмард сты 6 офицеры æмæ 16 фылдæр та фесты уæззау цæфтæ. Амæттæгты иууылдæр фæхæццæ кодтой Цхинвалы республикон рынчындонмæ.

Республикӕйы ӕнӕниздзинад хъахъхъӕнынады министр Григорий Кулиджановы ныхӕстӕм гӕсгӕ, зианбаййафджытӕн Цхинвалы рынчындоны кӕнынц алыварсон медицинон ӕххуыс.

"Ныртӕккӕ цӕуынц цӕттӕгӕнӕн куыстытӕ, цӕмӕй фӕцӕфуӕвджытӕй цыппар ӕрцӕуой санитарон эвакуаци Мӕскуымӕ, хъахъхъӕнынады министрады медицинон уагдӕттӕм. Иннӕ зианбаййафджыты та дохтырты уынаффӕмӕ гӕсгӕ аласдзысты Дзӕуджыхъӕуы госпитальмӕ", — загъта министр.

Фӕндагон-транспортон цау ӕрцыд цӕрӕн пункт Гореты цур. Ӕфсӕддонтимӕ автобус ахауд дӕлбыл 46 метры бӕрзӕндӕй, йӕ мидӕг уыд 24 адӕймаджы.

Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала