Президент фембæлд Зары трагедийы амæттæгты хиуæттимæ

© Sputnik / Наталья БосиковаПрезидент фембæлд Зары трагедийы амæттæгты хиуæттимæ
Президент фембæлд Зары трагедийы амæттæгты хиуæттимæ - Sputnik Хуссар Ирыстон
Рафыссын
Республикæйы сæргълæууæг загъта мæсæллæй фæмардуæвджыты бинонтæн æмæ радзырдта, 1989 - 2008 азты гуырдзиаг агрессийы рæстæджы зианбаййафӕг бинонтæн хицауад цы социалон æххуысы программæйыл кусы, уый тыххæй.

ЦХИНВАЛ, 19 май — Sputnik. Президент Тыбылты Леонид цыппæрæмы фембæлд Зары трагедийы амæттæгты хиуæттимæ.

Трагеди ӕрцыд 1992 азы 20 майы Зары фӕндагыл. 23 азы размӕ ацы "царды фӕндагыл" лигъдæтты ӕвтоколоннӕйы раз бабадтысты гуырдзиаг гарзджын ӕфсӕддонтӕ ӕмӕ сӕ ныццагътой.

Республикæйы сæргълæууæг загъта мæсæллæй бабынуæвджыты бинонтæн æмæ радзырдта, 1989 — 2008 азты гуырдзиаг агрессийы рæстæджы зианбаййафджыты хиуӕттӕн хицауад цы социалон æххуысы программæйыл кусы, уый тыххæй.

"Æмбæлон бардзырдмæ гæсгæ тагъд рæстæджы программæ æрцæудзæн фидаргонд æмæ райдайдзыстæм, ныры онг цы фарстытæ не ‘рцыдысты реализацигонд, уыдоныл кусын", — банысан кодта президент.

Уый ма банысан кодта, ахæм фембæлдтæ РХИ-ы фæмардуæвджыты бинонтимæ раздæр уагъд кæй никуы цыдысты.

"Ахæм фембæлдтæ нын раздæр нæ уыд, фæлæ цæттæ дæн уæ проблемæтæ, фарстытæм байхъусын, цæмæй иумæйагæй аскъуыддзаг кæнæм, цы хуызы ис фадат хицауады æрдыгæй æххуыс райсын", — загъта президент.

Бабынуæвджыты бинонтæ радзырдтой сæ цæрæнуатон æмæ æндæр социалон проблемæты тыххæй, президент та йæ администрацийы управленийы сæргълæууæг Къодоты Таймуразæн радта æмбæлон хæслæвæрдтæ.

Паддзахады сæргълæууæг ма дзырд радта, кæй рахицæн кæндзæн 500 мин сомы йæ хæдзар цы бинонтæн (трагедийы амæттæгты хиуæттæ) басыгъд, уыдонæн, ног хæдзар саразыны тыххæй.

Фембæлды хайад райстой хицауады сæргълæууæджы хæдивæг Пухаты Эрик, президенты паддзахадон уынаффæгæнæг Зассеты Жаннæ, Цхинвалы мэр Æлборты Алан.

Майрæмбоны, республикæйы къухдариуæгад æмæ цæрджытæ ссардзысты трагедийы амæттæгты рухс нæмттæ, сабыр цæрджыты колоннæ цыран ныццагътой, уыцы бынаты мемориалы цур.

Ног хабӕртты лентӕ
0