ЦХИНВАЛ, 24 май — Sputnik. Хуссар Ирыстон ӕмӕ Гуырдзыстоны ӕхсӕн паддзахадон арӕныл уадзӕн пункттӕ ӕртыццӕджы уыдзысты ӕхгӕд, фехъусын кодтой паддзахадон ӕдасдзинады службӕйы.
Республикӕйы 25 майы айзӕлдзӕн "фӕстаг дзӕнгӕрӕг", скъолаты уагъд цӕудзысты бӕрӕгбонон линейкӕтӕ. Хуссар Ирыстоны уыцы бон фӕкарздӕр уыдзысты ӕдасдзинады мадзӕлттӕ.
"Уадзӕн пункттӕ ӕхгӕд уыдзысты ахуырадон уагдӕтты рауагъдон мадзӕлтты рӕстӕджы ӕдасдзинад фӕкарздӕр кӕныны нысанӕн", — загътой комитеты пресс-службӕйы.
Уадзӕн пункттӕ се ‘рвылбонон куыстмӕ раздӕхдзысты 26 майы.
